Xaflad siweyn loo soo agaasimayay oo lagu maamuusayay sanad guurada 2-aad ee kasoo wareegtay furitaankii idaacada Markabley ayaa shalay galinkii danbe ka dhacday gudaha xarunta Idaacada Markabley ee degmada Baardheere ee Gobolka Gedo.
 
Munaasabadani oo ay ka soo qeyb galeen Qaar ka mid ah Odayaasha dhaqanka,Xubno ka tirsan Maamulka Islaamiga degmada, Culumo Udiinka, Wakiilada Hay’adaha Samafalka wadaniga ah, Shirkadaha Ganacsiga, Ururada Haweenka iyo dhamaan qeybaha Bulshada ee kala gadisan.
 
Munaasabadani oo aheyd maalinta 06.02.2010 oo ku beegneyd furitaankii Idaacada Markabley oo 2 sano ay ka soo wareegtay ayaa waxaa ka hadlay Agaasimaha Idaacada Markabley Axmed Cumar Saalixi, wuxuuna Agaasimaha ka warbixiyay wax qabadkii Idaacada mudada labada sano ah ee ay shaqeyneysay,horomarkii ay ku talabsatey mudadaasi iyo weliba sidoo kale caqabadihii ay Idaacada la kulantay amaba jilaafeeyay,Wuxuuna Saalixi amaan weyn u soo jeediyay Shirkada Isgaarsiinta ee Nation-Link oo Idaacada ka saacida dhinaca Korontada iyo deegaanka.
 
Agaasimaha ayaa waxaa uu sheegay in mudo 14 saacadood ay Idaacadu hawada ku jirto,isagoo tilmaamayna in waqtigaasi idaacadu ay ka baxaan Warar,Wareysiyo,barnaamijyo gaar ah,Casharo diini ah,Qadaro adeega bulshada iyo kuwo kale oo faa,ido u leh bulshada deegaanka .
 
Waxaana dhinaca kale uu soo hadal qaadey in Wariyayaasha wax ku bartey mudadaasi Idaacada in ay gaarayaan ilaa 32 ruux oo isugu jira 24 rag iyo 8gabdhood,kuwaasi oo maanta u shaqeeya qaar ka mid ah Warbaahinta dalka.
 
Waxaa sidoo kale Munaasabada ka hadlay Maamulaha Shirkada Nation-Link ee Degmada Baardheere.Cabdi Daahir Colujoog wuxuuna xusay wax qabadka Idaacada isaga oo uga mahad celiyay in ay Idaacada ka haqabtirtay baahidii wareed dadka Reer Baardheere oo markii hore ku xirnaa halka waqti ee BBC-da,ayaa sidoo kale ka codsaday in ay Idaacada isgarab taagan dhamaan shirkadaha, iyo ganacsatada reer Baardheere, “anaga oo kali ah ma dabooli karno baahida Idaacada ayuu Cabdi yiri”
 
Mas,uuliyiintii kale gedisnaa ee ka Hadley Munaasabada ayaa waxay ku amaaneen Maamulka Idaacada Markabley iyo Wariyayaasha ka howlgala in ay dhabar adeeg ay u muujiyeen sidii Idaacada maalin iyo habeen ay ku shaqeyn lahayd,iyagoo juhdi badana ku bixiyey sidii dadweynaha ku dhaqan Baardheere iyo nawaaxigeeda looga qancin lahaa soo bandhigida iyo la socodka aqbaaradka aduunka iyo kuwa dalka .
 
Dhamaan xubnihii ka hadlay Munaasabadani ayaa muujiyay in ay Idaacada ugu mahad celiyeen sida ay u dabooshay baahida  warbaahineed ee deegaanka Baardheere iyo nawaaxigeeda, waxayna balan qaadeen in ay gacan siindoonaan Idaacada si ay u gudato Idaacada waajibaadkeeda Shaqo.
 
Cabdiqani Maxamed Bayow
Radio Markabley-Baardheere